Taranto F.c. News

PÀSS’A MME, CA SO’ VELÓCE! / BITONTO – TÀRDE NUÈSTRE = 3 A 0…MAĖSTRE, ‘A STĖSSE!

a cura di Aldo Salamino

21.10.2019 21:16

foto Franco CapriglioneQuànne sunáve ‘na bànde, ‘n’orchèstre, pe’ sende’ n’òtra vóte ‘a stèssa canzóne se decéve: Maèstre, ‘a stèsse! Accussì jè c’u Tàrde nuèstre. Hònne cacciáte ‘nu segnóre allenatóre: RAGNO, pe’ pigghia’ n’òtra vóte a PANARELLE, fòrse piccè l’hònne pajáte quàttre sòlde? Sparágne e cumbarìsce se díce. Mah! Ce fegúre c’avíme fàtte! Quàttre sciucatúre sfatiáte ca no’nge hònne sciucáte jìndr’o secònde tèmbe pe’ fa’ cacciáre l’allenatóre. E ce v’u díce ca ste’ cambiúne no’ faĉene ‘a stèssa cóse púre cu Panarèlle? Ije le pigghiáve a ùne a ùne e le mannáve a ffa’ le còzze núte! Jè sèmpre ‘a stèssa stòrie! Stáme sèmpre pànne a úne! Tròppe cristiáne mèttene máne jìndr’u pallóne ‘a Tàrde! Accussì rumaníme sèmpre jìndr’a mogghie. Dilettantiiiiiiiiiiiiiiiiiiiiiiiiiiiiiii!

‘Nu salúte tarandíne da Catávete Salamíne e sèmbre forza Tàrde nuèstre!... Facítava cala’!

Commenti

Taranto, conferenza stampa Panarelli: "Ho accettato la sfida perché Taranto in D non può far altro che lottare per vincere"
Il Ginosa cade in casa contro il Noicattaro