TÀRDE NUÈSTRE – FRANCAVILLA = 4 A 2…MÈGGHIE V?VE A PPIÉDE, CA MUÈRTE A CAVÀDDE!

di Aldo Salamino

E accussì st’ànne, áme riuscíte a ffà ‘nu bèlle cambionáte! “Mègghie víve a ppiéde ca muèrte a cavàdde”, ste’ a segnefeca’ ca zuèppe, zuèppe, sènza l’aiúte de tànda scienziáte d’u pallóne, ma cu’ ‘a fatíje de cristiáne sèrie accóme ô mister PETTINICCHIO e tùtte ‘u staff, cu’ ‘na società puverèdde ma degnetóse, cu’ tùtte ste bráve uagnúne ca sciòchene, cu’ a’ Fondazione Taras e cu’ tùtte le tefúse nuèstre; n’àme devertùte assaje e ‘u córe rossoblù ha sbattúte ‘mbìtte púre ‘stavóte. Avàste cu’ tùtte ste malasurtáte ca aggìrene attùrne, attùrne a ‘sta squàdre, accóme a le malaurije Avàste cu’ le bangarottiére, le futtacumbàgne, le ‘nfamúne e le grattíne.’U Tàrde Nuèstre ne po’ dda’ soddisfazzióne púre in serie D. Òsce ha státe ‘na partíte vére. Tùtte penzàvene ca le uagnúne l’avèven’a vuta’ a carsunièdde, dáse ca ha scarfáte ggià ‘u sóle, ‘mbéce, s’hònne míse de cápe e púre de cúle e hònne fàtte quàttre gol. Ehehehe! Avíte capíte bbuéne! FABIO PROSPERI (‘u capètane), ha segnáte pròprie de cúle. Ehehehe! Cioè, nóne ‘a furtúne…ma c’u cúle próprie! C’u sedére…c’u ‘a vànne de réte! Come v’àgghi’a ddìcere) Pròprie accussì! Jè ffórte ‘u capètane. Ha fàtte n’òtre gol púre!... De cápe però! …Úne de cápe e úne de cúle…Eheheheh!...Po’ hònne segnáte púre CURRI (n’òtre uagnòne de Tàrde Nuèstre) e ‘u bomber MOLINARI. Trìdece gol ha fàtte fin’a mmo’! Òtre le chiàcchiere! Accòme a tùtte quìdde bedúne ca hònne venúte a qquà all’inìzzie d’u cambionáte cu’ se fùttene le turníse e ca hònne státe liquidáte. Quìste è ‘u Tàrde ca vulíme! Cristiáne sèrie, fòrte e modèste! Tùtte l’òtre, cu’ vònne a ròbbene a San Catàvete! Forza Tarando!